| 大細路阿朱's profile\\\\\\\\*大細路+++Dave*////...PhotosBlogLists |  Tools  Help |
|
November 27 平伏吧好多謝朋友們的關心
令到大家咁擔心真係唔好意思
阿朱今日的心情唔可以話係好
但都唔會好似昨日的差
心情算係平伏了
機械式的工作比我有一片空白的腦袋
至小唔使諗咁多野
只要唔諗o個一句
個心都會舒服d
而家見唔到可能都會心安d
如果見到的話,我又要份哂野咁笑住相處
所以暫時都係唔好見到唯妙啦
明天離開澳門返去廣州兩日同大家影畢業相
就當係散心吧
我相信我好快會無事
大家請放心^^ November 26 BAD DAY!!!!BAD BAD BAD.....I have a bad day
心情勁差
上年差唔多時間又聽到呢d野
不過都仲好d,至小係朋友同我講的
個心都無咁"那"
今日又來多單
不過今次就係直接同我講
知道左後
個心真係想跳出來
個口真係o左講唔到野
心情直插谷底
成日都無咩心機
個腦就諗諗諗......不斷諗.....
雖然都唔係第一次,而係第二次
不過好似仲衰過上次
人大左,至小有d野都經歷過
唔會再好似以前咁自暴自棄
世界唔可能全部都擁有
只要我唔去諗(我估得掛)
好快就好似一年前咁接受現實
當咩事都無發生過
繼續過活
都好想知道自己係咪好似hero入面的人一樣有超能力
人地未講時,我就已經次次猜中
猜中加埋親口同我講
真係打擊加倍....
好想發脾氣
好想勁rock狂彈結他發泄
好想係一個無人的地方狂呼一聲
唉....真係@#$%!&^$^($)#^%@
睇完都唔好問我咩事
我都唔想講.....唔想提..... November 24 婚宴與美食節日日都好多野做好忙
上星期六終於比左我第一份人情
恭喜車厘龜同碧琪結婚拉埋一齊
呢晚就見返好多同學啦
好似有b仔,歐琳琳,區可盈,建庭都有五,六年無見過
變的變,無變的都係無變
呢晚都好開心ge,haha~~
今晚都好多謝阿胡陪我去美食節行下食下
第一次知道澳門有美食節呢樣野又第一次去
無人陪,本來都諗住自己一個人去算ka啦
所以要多謝呢個阿胡啦
其實d野都好貴
食左小小野傾下計就走啦
兩支公走左去食面睇富貴門,haha
今晚真係飽哂 November 17 廣州站 今次的類別要變返好耐無用的校園生活 因為上星期五晚收工返屋企準備好哂就出關返廣州啦 坐車時睇左葉問 估唔到係咁好睇KA!!!! 一返到去就背著三大行李直接去團房啦 真係好耐無見大家啦 呢晚都係傾左小小結他 同阿基傾左一下計,影左一下相就訓覺啦 第二日因為要去BAND房 所以好早就起身去M記食個早餐 等埋主唱的阿基係佛山過來就上返去我地最常去的BAND房啦 成年無來,但風景依舊 只係BAND房本來的一面牆無左而變相大左 不過同以前一樣 嘈D都會比人投訴 試問夾BAND點會唔嘈呀 我地一於好小理 嘈左成粒鐘,比人投訴左兩次,HAHA~~ 下午就去左金四準備一下啦 又見到摺紙學會有活動搞 同八爪傾兩句,影下相 更估唔到今次WT又有結他協會 真係冤家路窄 所以呢次我地更加唔可以衰比佢地睇 搞左好耐先開始我地的SHOW 我地彈左一首之後就到結他協會啦 到個SHOW去到一半又到返我地出來動真格啦 今次都算係我地隊BAND最後一次咁齊整係暨大出SHOW啦 所以呢次我地都玩得好享受,無咩壓力 最後總算GOOD SHOW啦!!!! 等個SHOW完左就四個男人一齊去左蘭拉回味一下大盤雞啦 食完返左團房又見到FISH小組緊 我同CHRIS入左房休息下 本想等小組完傾兩句 點知八點半就訓著左 十一點先起返身換件衫涼都唔沖就再訓過 因為呢日搬個M箱真係搞到好累.... 唔計之後醒O個三次就真係一訓就訓到星期日的九點啦 足足昏迷左十幾個鐘..... 同CHRIS,阿基一齊去左最愛的沙縣食個早餐 之後就同CHRIS返左去同路人教會啦 又係好耐無返過去同路人啦 見返大家又係好開心,HAHA~~ 完左崇拜影幾張相就去左平時去開的蘭拉食多餐大盤雞啦 又同BOX傾左好多相機的事 之後BOX下午就拉左我去大沙頭睇相機的用品同講好多相機的野我知 以前都只係坐車經過一次 今次一去真係發覺有好多好野係呢度 BOX介紹左D腳架,相機袋,卡,鏡頭,仲有其他用品 呢次真係學到唔小野 又後悔咁早買左個相機袋 早知返廣州買啦,又平又靚又實用 下次要再去睇睇先得~~ 返到學校執好野就去馬場坐車返澳門 呢晚返到屋企真係都幾累 而家好期待月尾又返廣州 要去越富商場見識見識呀!!!! November 08 放呢個星期終於都無咁忙
至小可以有時間返屋企練結他同砌下模型
又可以準時睇到想睇的三色台劇集
而呢幾日就只可用一個"放"字來形容
皆因星期五晚收工同阿泉,阿魯去左買我人生第一部相機---nikon D90
呢晚真係放血....不過可以買到部相機真係好開心的
之前雖然學過影相
不過好多都無真正用到
而家有部相機就可以自己得閒約埋人一齊影相學下野啦~~
買完相機仲要飛車去上結他課
好衰唔衰比我整壞左支結他.....
唔知要幾多日先可以整返
希望返廣州之前可以整返順利出show啦~~
paul的呢首歌都繼續練緊
越玩越好玩,rock & roll!!!!!
原本又約左星期六去睇戲
點知一個放飛機,兩個放飛機就結果兩日都去唔成
失望到極......
今日同阿胡返過教會
下午一齊出來行下傾下計
應該要出來多d先得
下次再約出來行下影下相啦~~ November 02 追思節今日放了人生第一個追思節假期
之前咁忙,好多事都未做
今日就做左好多好多
睇哂上星期睇唔到的三色台劇集同卡通,同埋新一季的hero
又可以繼續砌鷹頭獅
而家都噴緊灰,有d仲上左色
十一月wt的歌又練左八,九成
模型書又可以睇左小小
夜晚浩然又幫忙送左張紅色炸彈過來比我
第一次正式收到中學同學的請柬去飲
之前有某d同學結婚,但因為考試都無法去飲
今次十一月先去碧琪同車厘龜的喜酒做頭炮
下個月又到偉豪啦,真係恭喜哂~~
今日總算過得休休閒閒,做到自己野
又比我追思返舊時係宿舍的生活啦,haha~~ November 01 又一個忙碌的星期今個星期一樣忙
返工忙到死
好在我地識用腦來提高工作效率
原本同一個份量要用一天來完成的工作
而家最快兩個半小時就完成
仲可以休息下添
不過最怕老世來開會
早幾日仲ot開會加食飯食到九點先走得~~
都累到死了~~
亦都有抽時間同大家一齊返教會練會慶的表演
而昨晚就係我地教會105週年的大聚餐
表演又順利完結,感謝神比我有機會試新野~~~
食飯都食得好開心
同大家一齊吹下水講下笑
笑左一整晚~~
又可以借相機來影下相
真係唔錯~~
所以我都決定左買返部D90
終於唔使再比之前的二選一困擾我的選擇啦
來緊的星期五就去買啦!!!!
立生星期三生日
夜晚就同立生,david,敏儀姐,阿玲去左皇朝八王子食食野
又係笑得好開心
睇來我真係變左個爛gap王啦
星期四晚又可以學結他啦
呢晚終於到我學Paul Gilbert 的Technical Difficulties啦
真係好好聽
YouTube - Paul Gilbert - Technical Difficulties (Racer X) 昨晚又到左小組時間
真係見返一d好難忙的生日禮物
又聽到大家分享的生日禮物
真係好特別的一個晚上~~
今日中午同大家食完飯之後返左屋企
終於可以睇返我未睇的卡通同劇集
而且又可以練結他
真係好爽呀
明天又放假就更加爽啦
又可以快d完成我未完成的事啦,呵呵~~ October 26 享受三日假今個星期真係過得唔容易呀
日日返工都好忙
做野做唔停
放左工又要去山頂探下阿麻
阿麻都康復得好好
開始自己慢慢行下路
進展唔錯~~
不過除左阿麻
連阿媽都日日血壓高唔舒服
老豆又有小小咳
真係全家都身子弱呀~~
下星期的會慶仲要彈keyboard
用左幾晚時間一齊返教會練
自己練結他的時間就無咩
上星期的未學得成
今星期學的都未有時間練
近排真係練得無咩進展~~
今星期好在有三日假期可以玩下休息下
星期五大joe來
不過團契就去左食pizze hut同家琪食返餐歡送佢返hk
星期六輪到叉欣,阿歡,ivy來
夜晚加埋阿ling一齊食返個泰國菜傾下計睇金雞
星期日下午就去左taipa的嘉年華行左一陣
係官也街睇土生葡人跳個舞,食返個大菜糕
再去埋威尼斯人閒逛
走之前又見到人係賭場中間間吧跳舞
真係好好睇,好吸引我
跳舞睇來都幾好玩咁wo~~
夜晚就同朝偉,大joe係福龍新街食返個福龍葡餐傾傾計
好耐都無一齊坐低傾傾計,閒話家常啦,正~~
食完飯陪左佢地去南灣湖邊的酒吧睇ball
仲見到黑狗小朋友添
真係好耐無見呢位黑狗小朋友啦,haha~~
開ball前我就返屋企休息下啦~~
今朝就一早訓唔著起左身繼續睇富貴門
十點半就出車去接大joe返街市買馬友
之後再一齊返去小泉居坐坐傾下計
真係好耐都無兩兄弟一齊坐低傾下計啦
中午就送大joe回hk
返到屋企決定休息一下
推哂今晚的原定節目
留係屋企聽住歌砌下模型
練埋十一月的歌
睇返未睇的卡通同富貴門
又睇下模型書同上下網
好耐都無咁休閒一支公係屋企宅下啦,haha~~
今星期總算都過得開開心心啦~~ October 20 買到心頭好1/144 HG NZ-666刹帝利年頭去hk時見到有刹帝利的手辦
不過要千五蚊...
當時唔捨得買
只有期望佢出模型先買
等左今年中收到風會出HG 1/144
已經心諗一定要買佢返屋企
出之前成日留意hkml的版友砌的手辦都已經覺得好靚
都已經吊哂我個胃口啦
知道十月中會正式出貨
就連續兩日去玩具城行返幾轉等佢一出即買
上網睇左全澳模型鋪報價
最後就決定左去利達入貨
比玩具城足足平左30個大洋呀!!!!
一早預備左400蚊
100蚊自己入油同平時用
300蚊就留左比部模型
昨日雖然收工時無啦啦落雨
而且又多野做要加班
但最後我都係飛車去利達買佢返來
我都唔知有幾耐無買過咁貴的模型啦
平時都唔捨得買過100蚊的模型
但今次真係好鐘意刹帝利
非買不可!!!
食完飯即刻打開說明書參詳一下
今次真係勁開心勁興奮
睇來我要加快砌好手頭上的鷹頭獅先得啦
好想可以快d砌起佢呀,haha~~
 October 19 不一樣的星期~~過去的一星期真的很忙碌
日日返工都做到好累先返屋企
而且阿麻入左山頂放工都要去陪佢一陣
累還累
返屋企如常練結他練到唔知時間訓覺
食埋藥就搞到仲累啦,haha~~
星期五上堂
都係繼續jam solo
暫時對我都幾難去jam
呢晚嘉豪就示範左用最普通的Am pentatonic同加埋mode 5或mode 2去jam一個Am的節奏
始終都仲要多d時間去感受一下
唯有繼續練啦~~
星期六晚就返左去浸信參加一個不一樣的佈道會
都係我參加過的最嘈最無秩序的一次啦
係度讀左咁多年書
都明白d學生係會咁嘈ka啦
因為始終都係被迫參加
再一次聽到高皓正的見証
同聽到一個好得的梁牧師分享
又讓我再想一想人生呢一個課題
完左個佈道會車阿欣返屋企
發覺呢頭d路我真係唔多識
成晚都好似兜左好多冤枉路
得閒要來呢邊認下路先得~~
星期日下午陪阿爺同一個阿麻的朋友上山頂探阿麻
見到阿麻都好左好多
又開始做小小的物理治療
我個心都定左好多
幫阿麻整理好,打點好之後先離開
返舊屋陪左阿爺傾一陣計之後先返屋企休息一陣~~
休息完就去左練教會105週年聚餐的表演節目
今次竟然係安排要我幫手彈keyboard
彈讚美之泉的melody
幸好不是太難
希望大家都可以練好啦~~ October 14 老人家的嘆息阿麻都入左醫院兩日了
今朝終於做手術啦
做到三點先做完個手術
返屋企時老豆已經係停車位等我一齊上山頂探阿麻啦
一上到去就見到阿麻訓左係張床度休息
不過成日無水飲無野食
個口好乾wo~~
幫手照顧一下阿麻 逗留到八點多先返屋企
阿麻話做完手術好辛苦
又話自己以前涯得咁辛苦
而家老左又要咁擋幾刀涯咁多苦
講到流哂眼淚出來
睇見佢咁辛苦我都差d流眼淚呀
唔通人老左就只可以想想前塵往事嘆一下辛苦命無哂盼望訓係病床上面??
當然我覺得唔係
但點樣先可以令佢老人家開心返d呢?? October 12 養病week由於去完國慶團之後仲未病好
過去的一星期都係睇醫生,食藥同早d訓休息下
感恩都好返好多,而家都只係仲有小小傷風
醫生話有細菌入左支氣管
手尾可能會長d咁話wo~~
我都希望可以快d好返啦
成日都咳我都煩呀......
上星期五因為阿魚生日
就同左雞仔,肥ii,寶珠,阿魚去左neway唱k
呢晚去得好夜
返到屋企都搞到三點先訓覺
星期六就係咁好小有的昏迷左成個朝早未醒過
其實食左藥真係好累好眼訓
唯有聽話多d休息同戒口啦!!!
呢個星期又可以上堂學結他
jam solo真係唔容易
不過呢堂都明白左一d技巧
又比嘉豪話我唔聽人地彈
呢d缺點終於比我知道左啦
希望我可以好好練返好,彈返有條理的solo啦~~ October 05 國慶四天觀光探訪團呢個國慶節放足四日假
一早就約左jnuf的弟兄姊妹出門去清遠同英德觀光+探訪
不過今次的行程可以話係一開始就波折重重
幾乎要取消行程
第一日一出關就沖去唯一有車去清遠的拱運車站
點知要等到兩點半先有去
所以諗住廣州應該多車去清遠就即刻去坐車返廣州
點知開車前點票又出現小插曲
最後我坐到車門邊解決了呢個小插曲
一到暨大都無時間入去行返圈就即打的去火車站
去到流花車站無車
去到省站d時間又好晚
去到火車站又話無車
最後係省站加埋轉左三次先買到六點十去清遠的車票....
足足係呢頭兜兜轉轉左成個鐘
買完票就去左一德路嘆個m記同行下街睇模型
第一次見到一德路咁小人行
最想去的文華無開到
商場口的模型店又搬左入去一個鋪位入面,感覺大好多
其他都係入去望望就走返出來啦
見無咩睇又唔敢買野就去左萬菱行左一圈就早d坐mtr返火車站
點知火車站太多人竟然唔停站
就係唯有早一個站落車啦
由中酒一直行返去省站,足足半個鐘...
坐到夠鐘上車....
足足到八點先去到清遠會合返大家
好開心可以見返偉豪,04歡,奔仔,韶敏
食個飯傾下計
返到賓館又靈修分享一下
第一天太美妙的完結了~~
第二天安排了一齊去黃龍峽行山探險同漂流
山中的景色都好美
個瀑布最靚!!!!
一齊影左好多相
之後漂流先驚險
真係唔知個驚字點寫就咁落左水玩啦
一出船就發現我真係上左賊船
原來漂流係咁激的.....
習慣左之後都好d
但到左下游就來漂完時
先係我左手撞上石頭流血
再到韶敏撞到個鼻流哂血損哂兼飛甩頭盔同拖鞋
仲有韶敏無左頭盔時差d個頭撞上石頭的驚險
所以即時上水行落去急救一下
感恩韶敏的鼻無大問題,我的手又唔係好嚴重
我諗我唔會再去玩呢d咁激的活動ka啦
呢次就算我做左個漂流猛士啦....
第三日一早坐車去英德
去到英德火車站等埋偉杰就一齊買定車票離開同食個飯
好衰唔衰去左我最鐘意的蘭拉食
平時食開的都唔會辣的
去到呢間雖然佢話唔怕辣
但事實係勁辣
食完即刻喉嚨痛.....
之後就一齊坐左架車去雲嶺
呢一個鐘車程真係一個特別體驗
就好似玩緊越野賽車咁勁
因為條路超級崎嶇不平
最後終於去到目的地----雲嶺教會
去到就岩岩好崇拜
完左崇拜就同當地的姊妹傾計同代禱
互相了解一下大家的需要
他們都很好
讓我體會到聖經所講的"客要一味地款待"
嘗了他們自己種的芋頭同自己整的米餅
實在太好食啦
特別係米餅,比鉅記同咀香園呢d澳門手信好食一百倍!!!!!
又跟藍傳道去到他們的"迦南之地"看看
讓我感覺呢間教會雖小,但真的很有恩典
一日三餐也是他們的招待
毎味餸都超好食!!!!
夜晚一齊上了教會的天台渡過中秋佳節
可以看到星星,大大又圓的月光,孔明燈,好靚的煙花
今年的中秋過得好特別,好開心呢^^
最後一日就食過美味的早餐
分兩隊去左探訪當地的家庭
由樹梯姊妹帶著我跟偉豪,04歡去到教會附近的技校
先是探訪李叔弟兄,廖姊妹同鐘姊妹
佢地三位都係已經八,九十的老人家了
聽了他們的分享真的有很多感受
看到他們對聖經話語的渴望同不同的經歷
由其鐘姊妹受家人的逼迫真的讓我感受最深同寄予同情與無奈
只能為呢位老姊妹禱告吧~~
之後又去到另一個鄧伯伯的家庭
成個家庭都是信耶穌的
為他們很感恩~~
仲送了他們自己種的木瓜給我們
真係又驚又喜^^
探訪完結後回到教會食飯同分享代禱
拍照留念後就出去坐車回到英德車站等車回廣州
呢個時候已經開始發燒
上到車同阿歡傾足兩個半鐘車程
返到廣州省站就買車票返拱北同他們分手了
在車上祈完禱,去到珠海時已經感覺退燒了
真的很感恩可以出到關返到屋企休息
終於完結了呢個國慶4天團了
真的開心+感恩~~amen+++ September 27 rock week前日返工同d供應商開會
雖然人地講英文多
不過留心聽都大約明白佢講咩
唔知點解覺得呢個會好似學左好多野咁
明天又要返工lu~~
阿媽的手機都用左好多年了
昨日就送左一部se的T725比佢啦
部機都幾好玩wo,haha~~
昨日團契大家一齊學織五色星同五色十字架
不過時間唔夠
只係學左五色十字架的織法
而且織得唔係好得
新手始終差d
下次應該會織得更好!!!
 記得舊年岩岩畢業先第一次知澳門已經搞左幾年hush hull band馬拉松搖滾音樂祭
唔記得舊年做咩約唔到人
自己一支公又唔想去
好失望咁無去到
只係第二日老豆攞左份澳門日報比我睇返小小當晚情況
今年又差d錯過左呢個一年一次的盛事
好彩渣車見到中華廣場上的大大poster先知
昨日返完團契就搵左雞仔同肥ii食食野
再一齊去睇啦
六點去到見到好多人已經坐定定或者係台下搖頭擺手了
為身體健康所以都無諗過呢晚要落去企
唯有坐定定欣賞呢晚各隊band的演出啦
最令我深刻的band有L.A.V.Y , J-Hoon & Nyco Maca+PG ,Saint Loco ,Cactus,Soler,恭碩良‧Jun Kung x (歐陽靖‧MC Jin + 尹子維‧Terence Yin)
坐到咁上下都行左落去企企享受享受
Soler一出全場歡呼
我都係第一次咁近距離見到佢地兩兄弟
最搞笑佢地問:澳門有咩最出名
我地全場即刻好大聲話:咀香園!!!
好笑到死,haha~~
Soler首首歌都好正
當然最鐘意的梗係神舟99號啦
呢晚仲有唱左幾首新歌都好好聽
一唱就唱左成個鐘啦
太正啦~~
完左成粒鐘的Soler就到左全場壓軸的恭碩良啦
之前對佢真係無咩認識
只係之前聽嘉豪講過佢以前係我屋企後面街夾band的
除此之外真係 0 認識了
不過今晚真係見識了佢的實力啦
實在太正啦
佢同佢隊band表演得實在太出色啦
加埋歐陽靖‧MC Jin 的出場
場面進入瘋狂享受
歐陽靖‧MC Jin 的rap真係好正
華人最出色的raper真係無講錯,正爆!!!!
最後就由恭碩良‧Jun Kung x (歐陽靖‧MC Jin + 尹子維‧Terence Yin)+Soler唱最後兩首歌
又一齊jamjam結他
睇到我眼金金!!!!
呢個完結太得啦!!!!
下年真係要再去呀!!!!!
Soler
 今日下午終於可以上堂學結他啦
繼續12 bar blues
又加左d野玩
呢兩星期真係要好好練啦
之後一個人渣車遊車河散散心,望望風景,吹吹風
西灣d路真係無咩車,景又好,開快又得,開慢又得
遊左唔知幾耐之後泊返好架車
行左一下塔石廣場同去哂我去開的模型鋪睇下新品
本想買返支畢地或者去恒利買返小小公仔返屋企
但最後都係去左天域買左兩隻CD
一隻係Mr.的IF I AM,另一隻就係澳門樂隊刃記的自我年代
等我慢慢欣賞啦~~
Mr.的IF I AM
刃記的自我年代
September 22 飛越2&3橋一早計劃左昨晚去黑沙bbq farewell韶敏
放工同奔仔,david,阿ling去左街市入貨啦
搞店完之後就由david帶路渣車去黑沙
仲要車住阿ling出車
真係驚驚的
一來因為我未試過過橋
二來仲未過p牌期車住人去咁遠唔知會唔會黑仔比人捉到
三來因為最近意外特多,仲死得好恐怖
四來昨晚勁大風,又行雷閃電,勁危險feel
去的時候就行左死人最多最危險的2橋
第一次過,感覺真係好長好長
好似走左好耐都未走到去taipa...
短短時間內好似係鬼門關渣車的感覺一樣,幾大壓迫感
唔知用左幾分鐘就順利去到黑沙準備bbq
去到時勁閃電,不過見到好靚
幸好呢晚落左一陣細雨
燒到十二點半走人
點知比把太陽傘夾親手指
一大塊瘀血留係手指肚入面
真係十指痛歸心....
所以係好返唔痛之前都要好好休息
隔離支結他同手指的接觸....
回程返澳門時就過3橋
我都幾期待可以過過3橋
因為老豆話安全d
要去taipa都行3橋最穩陣
但唔知點解都係覺得好長
渣左好耐先出返南灣鬆返口氣返屋企
第一次過taipa黑沙就要車人同行2橋
真係覺得好驚險~~
返到屋企沖完良係張床訓唔著同奔仔吹水吹左好耐
我諗訓著時都已經三點了..... September 21 週末好去處 呢一個星期都幾攰下的 星期三晚放工就去左珠院啦 同DAVID,奔仔,信君,阿玲一齊去左D新生宿舍拍門 真係無諗過畢左業之後都會有機會拍門 拍左一晚拍左好多HK的姊妹同小小弟兄 之後去左珠院的沙縣食野,真係回味無窮 好有廣州的感覺~~ 星期六返團契一齊練詩,又教下兩個徒弟仔結他都幾開心的 夜晚韶敏同我屋企人一齊去咖哩屋食飯 呢晚如果再夜D食的話就可以邊食邊睇煙花啦 今年真係未去過睇煙花添~~ 星期日差唔多成日都係教會過 返完個崇拜去左婦女會的大食會 好多好野食好正,HEHE~~ 返埋下午的崇拜就同奔仔行下街 同埋去左投下神聖的一票 第一次去投票 唔知有無份當選呢?? 夜晩又到左一個月一次的小組時間啦 呢晚我就帶左傳道書傾下人生的問題 小組好似越來越好 期望下個月的小組時間~~ September 13 體驗呢一個星期學左樣幾好玩的野
就係整書啦
以前係廣州見人地幫我地整論文的野
今時今日可以親自整返本都得
幾得意幾好玩的一個體驗~~
今星期偉杰又來澳門玩
無咩點陪佢
不過今日下就跟偉杰出左珠海玩賽車
第一次做車手覺得都幾好玩
不過就開得無人地咁快
仲比人係後面撞左幾次咁多
短短十分鐘就體驗了做車手的快感了
高速度駕駛同飄移兩樣都玩過了,正~~
夜晚又約埋嘉明同韶敏食飯
弟兄姊妹永遠都係有好好的分享,正~~ September 07 週末過去了~~又一個週末過去了
上星期日落雨無打ball
今星期就補返數
同雞仔,肥ii,阿魚打到身水身汗
做下運動係好ge~~
返崇拜時又聽到壞消息
五,六年前在教會牧養的林牧師早幾日返左天家
雖然由教會風雲o個年開始無見過
但以前林牧師講過的說話同好多畫面都浮現返出來
盼望老牧者的榜樣能繼續影響別人~~
中午又可以去學結他
雖然學哂成首給地獄的愛
但係都有d地方未彈得好
特別係picking
呢堂就用來執一執啦
而且又要放低支結他係琴行修理
想係屋企練下都唔得....
期待下堂的12bar blues!!!!
夜晚約左jnu老同學一齊出來遊車河,吹水,食宵夜
呢一晚所行的哩數係我平時一個星期的份量,haha~~
不過都好盡興的~~ August 31 打工仔黃金48小時打工仔黃金48小時即係平時的週末兩日假期
岩岩又過去左呢個週末了
星期六又去左桃子上了最後一堂蛋糕課程
今次的蛋糕叫芝士覆盆子歌劇院蛋糕
聽個名都知威啦 呢晚就同雞仔兩人一組
估唔到今次又比之前快手
我地只係衰收尾雕唔到花有d失敗
最後變左火山版了
不過大家食過都話好食
我同雞仔的作品總算成功啦~~
  本來約左雞仔,肥ii,阿魚星期日一早又去打羽毛ball
點知出門口先來落雨
最後就無去到lo
希望下次唔會落雨做做運動啦~~
下就又去左上堂
終於學埋給地獄的愛最後的部分了
呢幾日練到我手指都痛呀
我覺得我都夠快,但原版仲快...
呢首歌真係好好玩~~
夜晚又去左小組
呢晚又見到大家啦
一齊食飯,睇聖經
唔錯的一個晚上~~ August 23 又一精彩週末話咁快又到最開心唔使返工的週六,日啦
今星期一樣過得唔錯
星期六呢一日同阿恬,嘉明一齊接了從廣州來的佩詩,文興同向一
好高興呢日的下午可以一齊食飯,一齊有聚會分享,彼此代禱
大家都覺得好似回到以前在大學中的團契一樣
好開心可以見到大家呢
盼望好快我地又可以見面分享啦^^
星期六的夜晚再次去整人生第二個蛋糕----特濃Truffel朱古力蛋糕
呢晚就同雞仔,肥ii三個人整
由雞仔做無間道做哂我同肥ii的助手
今堂製作過程比上星期好好多
唔會好似上星期咩都唔知點做
有d經驗係唔同d
就咁我同雞仔的作品就順利誕生啦~~
呢幾件係阿sir的作品,都係比我地試味
 鋪左一層谷古粉,等阿sir切返出來
 呢張好有住家男人feel,雞仔同我的作品---特濃朱古力蛋糕
望多兩眼感覺影得我好似五月天的鼓手,haha~~
 完成品圖1
 完成品圖2
完成品圖3
 星期日都過得唔差
一早八點半約左雞仔,肥ii同雞仔的fd食個靚靚的早餐
再去二龍喉打打羽毛ball渾灑一下青春的汗水
再曬到一身朱古力色
呢兩粒鐘真係醒神哂
再係搵車時比嘉麗渣車經過"bibi"左幾聲
當時我唔知叫我,仲心諗咁大條路仲要"bibi"我有無咁搞怪呀
自己唔識行埋一邊咩
返到教會先知原來係嘉麗諗住叫下我,haha
真係唔好意思lo,呵呵~~
雖然帶著一身濃厚的男人味返崇拜
但今日李姑娘的分享真的很好
讓我有著反省的空間
多謝姊妹的分享~~
早幾日嘉豪又例排放放飛機無上堂
今日完左崇拜就去琴行補補堂
照舊學緊小林信一的"給地獄的愛"
今堂都學左好多了
記埋佢同練熟d就彈到了
相信下一堂都教哂ka啦
接下來相信就係點樣去應用呢d技巧啦,期待中~~
下午返到屋企就繼續練結他同煲返絕代商驕
夜晚就去左食鮮魚總行的300蚊雙慶飯
阿麻抽到個太空枕頭
呢餐飯真係覺得麻麻地
無咩好食同睇頭
食完仲要同阿麻阿爺等左成個鐘的士先返到屋企.....
真係攰死阿麻阿爺啦~~
身體狀況都係咳咳咳.....
昨日睇左醫生食左佢d特效藥好似都係無咩起色
年年呢個時候都咳
真係辛苦死.....
我想快d好返呀!!!!
最近仲有值得開心的就係hk又出左一本新的模型雜誌---模型+
而且真係好有heart
內容豐富精彩
睇來機動世界又有一個新競爭對手啦
睇過版友話今期電擊HOBBY又係好正
講到唔買唔得
咁我就大出血一次過買左兩本返來慢慢欣賞啦
未來3個月仲有好多一定要買的模型同模型書
真係大出血啦!!!!!
|
|
|
